Манчинининг "Зенит"даги ўрнини ким эгаллаши мумкин?

Санкт-Петербургнинг “Зенит” клуби мавсум якунлангач жамоани тарк этадиган Роберто Манчинининг ўрнига муносиб номзод топилди.

Бир қатор рус нашрларининг ёзишича италиялик мутахассиснинг ўрнини айни дамда “Уфа”ни бошқараётган Сергей Семак эгаллайди.

Эслатиб ўтиш лозимки, 42 ёшли мутахассис учун “Зенит” бегона эмас. Боиси у 2010-2013 йилларда ушбу жамоа сафида тўп сурган ва кейинчалик жамоанинг мураббийлар штабида ҳам фаолият олиб борган.