Марсело "Реал" тарихидаги энг узоқ давом этган голсиз серияга якун ясади
Мадриднинг “Реал” клуби ҳимоячиси Марсело бундан бироз аввал якунига етган “Леванте”га (1:2) қарши баҳсда ўз ҳисобига гол ёздириб қўйишга эришди.
Эътиборли жиҳати, 30 ёшли бразилиялик футболчи шу тариқа “қироллик клуби”нинг 480 дақиқадан буён давом этиб келаётган голсиз сериясига барҳам берди. Таъкидлаш керакки бу “Реал” тарихидаги энг узоқ давом этган голсиз серия сифатида тарихга кирди.
Яна бир қизиқ томони ушбу гол Марселонинг фаолиятида “Леванте” дарвозасига киритган учинчи голи бўлди. Айнан Валенсия клуби унинг фаолиятида энг кўп гол урган жамоа бўлиб турибди.
Фикрлар