Майлинда Кельменди: "Мени Тошкентда бунчалик самимий кутиб олишади, деб ўйламаган эдим"

Бугун старт олган дзюдо бўйича Тошкент Гран-присида бир қатор юлдуз спортчилар иштирок этмоқда. Шубҳасиз, улар орасида -52 кг вазн тоифасида ғалаба қозонган косоволик Майлинда Кельменди ҳам бор. Бугунги беллашувлар якунига етгач, ушбу маҳоратли спортчи билан боғланиб, таассуротлари ҳақида фикр олишга уриниб кўрдик. 

– Мусобақа сиз учун нимаси билан аҳаиятли эди ва таассуротларингиз қандай?

– Таассуротларим жудаям илиқ. Аввало, шуни айтишим керакки, мени Тошкентда бунчалик самимий кутиб олишади, деб ўйламаган эдим. Ўзбекистонга биринчи маротаба келишим ва уйга катта хотиралар билан қайтаман. Мусобақа аҳамияти ҳақида гапирадиган бўлсам, май ойидан Токио Олимпиадасига рейтинг очколарини жамғариш бошлангани боис Олимпиадага боришни ният қилган ҳар қандай дзюдочи бундай турнирларни ўтказиб юбормасликка ҳаракат қилишади. Шундай экан, унда ғалаба қозонишим муҳим эди. 

podium-52-1541773886-1541773886

Ғалаба қозониш қанчалик қийин ёки осон бўлди?

– 4 та беллашув ўтказган бўлсам, шулардан 3 тасида муддатидан аввал ғалаба қозондим. Иккинчи беллашув фақат тўлиқ давом этди холос. Очиғини айтай, бу гал катта қийинчиликка дуч келмадим.

– Жаҳон чемпионатидан кейин фаолиятингизда бироз танаффус бўлди. Бунинг сабаби нима?

– Жаҳон чемпионатида жароҳат олгандим. Аслида ўшанда медаль ололмаганимда ҳам шу жароҳат сабаб эди. Мана, секин-аста ўз спорт формамга кириб бормоқдаман. Бу ҳали менинг энг юқори спорт формам эмас.

ACTION-57-1541773917-1541773917

Токио Олимпиадасида қайси вазн тоифасида иштирок этасиз? 

– Шу -52 кг вазн тоифасида қоламан. 

Мауълумот учун, Майлинда Кельменди Рио Олимпиадаси чемпиони ва икки карра жаҳон чемпиони саналади. Косово давлати тарихида Олимпия ўйинларида медаль олган илк ва ягона спортчи бўлиб турибди

Фикрлар

Фикр қолдириш учун авторизациядан ўтинг!