Mbappe PSJdagi raqamini o‘zgartirdi (FOTO)

Frantsiyaning PSJ klubi forvardi Kilian Mbappe o‘zining jamoadagi raqamini o‘zgartirishga qaror qildi.

Le Parisien nashri tarqatgan xabarga ko‘ra 19 yoshli futbolchi yangi mavsumda 29-raqamda emas, balki 7-raqamda harakat qiladi. Ta’kidlash kerakki, ushbu raqam o‘tgan mavsum to‘liq bo‘sh turgan edi.

Ma’lumot uchun, Mbappe o‘tgan mavsum PSJ safida 46ta o‘yinda maydonga tushgan va o‘z hisobiga 21 ta gol hamda 15 ta golli uzatma yozdirib qo‘yishga erishgan.