Мбаппе яна бир ноёб натижани қайд этди

Франция терма жамоаси форварди Килиан Мбаппе кеча Исландияга (2:2) қарши ўйинда рақиб дарвозасини ишғол этишга муваффақ бўлди.

Эътиборлиси, 19 ёшли футболчи амалдаги жаҳон чемпиони сафида тарихда биринчи марта 20 ёшга тўлмасдан туриб 10та гол урган илк футболчига айланди.

Эслатиб ўтамиз, Мбаппе ЖЧ-2018да ФИФА томонидан мусобақанинг энг яхши ёш футболчиси деб топилган эди.