Мэнни Пакьяо навбатдаги жангини БААда ўтказади

Филиппинлик Мэнни Пакьяо ва австралиялик Жефф Хорн ўртасидаги жанг бирлашган Араб Амирликларида бўлиб ўтади.

Бу ҳақда Пакьяо жамоаси аъзоларидан бири Майкл Конч маълум қилган.

• Пакьяони нокаут қилган Маркес яна жангга чиқишдан қўрқди

– Бизнинг келишувга эришишимиз учун бироз вақт кетди ва ниҳоят жанг қаерда ўтказилиши аниқланди. Биз шартнома имзоладик. Жанг 100% БААда ташкил қилинади. Мен Боб Арумнинг Австралияда бўлади деб айтган сўзлари учун “яшил қитъа” мухлисларидан учзр сўрайман, – дейди Конч BoxingScene нашрига.

Аввалроқ жангнинг ўтказилиш жойи Авсстралиянинг Брисбен шаҳри деб айтилган эди. Эслатиб ўтамиз,  жанг жорий йилнинг 23 апрел куни ўтказилади.