Мертенс жароҳат олди, аммо у “Реал”га қарши ўйнай олади

“Наполи” клуби ҳужумкор ярим ҳимоячиси Дрис Мертенс кеча бўлиб ўтган Италия А Сериясининг 27-турида “Рома”га (2:1) қарши баҳсда жароҳат олди.

Таъкидлаш керакки бельгиялик футболчи 2-бўлимнинг ўрталарида тиззасини ушлаганича майдонга қулади ва 74-дақиқада унинг ўрнига Петр Зелиньски туширилди.

Football Italia нашрининг хабар беришича ўша пайтда Мертенснинг томирлари қаттиқ тортишиб қолган ҳолос ва у 7 март куни бўлиб ўтадиган Чемпионлар лигаси 1/8 финал жавоб ўйинида “Реал”га қарши майдонга туша олади.