Мессидан зўр футболчи бор эди...
Дунёнинг энг кучли футболчиси ким эканлиги ҳақидаги баҳслар футбол пайдо бўлганидан буён бор. Ҳозир ҳам шу савол долзарблигини йўқотгани йўқ. Оддий мухлисдан тортиб, футболчини сир-асрорларини пухта ўзлаштирган мутахассисгача дунёнинг энг зўр ўйинчисини аниқлашни истайди.
Албатта, кўпчилик бугунги куннинг энг кучли футболчиси Аргентина терма жамоаси ва "Барселона" ҳужумчиси Лионель Месси, деб эътироф этади.
Бироқ, голландиялик машҳур футболчи Руд Гуллит Аргентинанинг бошқа ўғлони - Диего Марадона замонамизнинг энг зўр ўйинчисидан анча кучли бўлганини таъкидламоқда.
- Марадона буюк футболчи бўлишдан ташқари ҳақиқий етакчи ҳам эди, - дейди Руд Гуллит. - У бир ўзи қандай ғалаба қозонишни биларди. Буни 1986 йилги жаҳон чемпионатида кўрсатган. Мен Мессини ҳам буюк футболчи, деб биламан. Бироқ у ҳакамлар, журналистлар ва турли қоидалар билан ҳимояланади. Месси фақат зўр дриблинг соҳиби. Марадона эса майдонда ўта эҳтиёткор ҳаракат қилиши керак эди. Чунки рақиблар уни иккала оёғини ҳам синдиришга ҳаракат қиларди.
Лионель Месси Аргентина терма жамоаси учун 116 та ўйинда 57 та гол урган. Диего Марадонанинг ҳисобида эса 91та ўйинда киритилган 34 та гол бор.
Фикрлар