"Металлург" бугун Туркия йиғинидаги тўртинчи назорат учрашувини ўтказади

Тўртинчи рақиб Россия Федерациясининг “Ленинградец” жамоаси бўлади. Ўйин Тошкент вақти билан 19:30 да бошланади. Бу ҳақда Бекобод клуби матбуот хизмати хабар бермоқда.

Қисқача рақиб жамоа ҳақида. “Ленинградец” янги ташкил этилган клуб бўлиб, у Россия Федерацияси биринчилигида Ленинград вилояти шарафини ҳимоя этади. Ўтган йилдан эътиборан шахсан гебернатор Александр Дрозденконинг ташаббуси билан ташкил этилган бўлиб, Ленинград вилояти Тихвин шаҳридаги “Кировец” ҳамда Санкт Петербург шаҳридаги “Нова Арена”ларда ўз рақибларини қабул қиляпти.

Жамоа 2018-19 йилги мавсумда ПФЛнинг “Ғарб” гуруҳида расмий иштирокини бошлади. Биринчи даврадан кейин “Ленинградец” 26 очко жамғарган ҳолда 4-ўринда бораяпти. Жамоа 8 та ўйинда ғалаба қозонган, 2 та учрашувда дуранг ўйнаган, 5 та учрашувда имкониятни бой берган, тўплар нисбати – 23:15. “Ленинградец”дан юқорироқда “Текстильшик” (Иваново), “Локомотив” (Қозон) ва “Велес” (Москва) жамоалари боришмоқда.

“Ленинградец” клуби олдига қисқа фурсат ичида кучлилар сафига чиқиш вазифаси қўйилган.