Мигель Коттонинг хайрлашув жанги қачон ва қаерда бўлиши маълум бўлди
Биринчи ўрта вазн тоифасида WBO чемпионлик камари соҳиби Мигель Котто (41−5, 33 КО), фаолиятидаги сўнгги жанг қачон ва қаерда бўлишини маълум қилди.
Келаси ҳафта Котто Фредди Роуч мураббийлиги остида машғулотларга киришади, дея хабар беради vRINGe.com сайти.
– Ҳозир биз барча рақиблар бўйича ишларни якунлаяпмиз, – дейди Golden Boy Promotions президенти Эрик Гомес BoxingScene нашрига. – Рақиб масаласини шу ҳафта охирига қадар ҳал қиламиз.
Унинг сўзларига кўра, жанг 2 декабрь куни бўлиб ўтиши аниқланган ва пуэрторикалик боксчининг уй аренасига айланиб улгурган – афсонавий Нью-Йоркдаги “Madison Square Garden”да бўлиб ўтади.
Котто айни дамда 37 ёшда. У яна битта жангдан сўнг фаолиятини якунлашини маълум қилган. Шундан сўнг Мигель промоутерлик ишларини йўлга қўйишни ҳамда оиласи учун кўпроқ вақт ажратишни мақсад қилган.
Фикрлар