"Milan" Ibragimovichning agenti bilan naqd 4 soat muzokara o‘tkazdi

Italiyaning “Milan” klubi vakillari “Los-Anjeles Gelaksi” hujumchisi Zlatan Ibragimovichning agenti bilan uchrashishdi.

Football Italia tarqatgan xabarga ko‘ra “rossonerilar” vakillari va 37 yoshli shvetsiyalik futbolchining agenti Mino Rayola o‘rtasidagi muzokaralar naqd 4 soat davom etgan. Tomonlar Ibragimovichning yana “San-Siro”ga qaytishini muhokama qilishgan.

Eslatib o‘tish lozimki, bundan avvalroq Zlatan “Milan”ga qaytishga roziligi, faqat buning uchun kamida 1,5 yillik shartnoma va asosiy tarkibdan joy talab qilayotgani haqida xabarlar tarqalgan edi.