“Милан” Игуаин борасида “Ювентус” билан келишувга эришди, аммо футболчи жамоадан кетишни истамаяпти

“Милан” клуби “Ювентус” билан аргентиналик форвард Гонсало Игуаинни 15 млн евро эвазига бир мавсумга ижарага олиш масаласида келишувга эришди.

Ушбу келишувга кўра “россонерилар”га ижара муддати якунига етгач, футболчининг трансферини тўлиқ сотиб олиш мажбурияти ҳам юкланади.

Бироқ, хабарларга қараганда Игуаин жамоада қолмоқчи. Гарчи Криштиану Роналдунинг келиши сабаб у ўзининг асосий таркибдаги ўрни йўқотсада, барибир “Ювентус”да қолишни истамоқда.

Унинг “кекса синьора” сафида қолишни истаётганига яна бир сабаб, у ўзининг бу ердаги 7,5 млн евролик маошидан айрилиб қолишни ҳам хоҳламаяпти.