Испаниянинг "Вильярреал" клуби ярим ҳимоячиси Самуэль Кастильехо Милан шаҳрига етиб келди. Бу ҳақда журналист Марко Бовичелли ўзининг твиттери орқали хабар бермоқда.

Унга кўра 23 ёшли испаниялик футболчи янги ҳафта бошида “россонерилар” сафида тиббий кўрикдан ўтади. Агар унинг соғлигида ҳеч қандай муаммо бўлмаса миланликлар уни кейинчалик 19 миллион еврога сотиб олиш ҳуқуқи билан бир мавсумга ижарага олишади.

Ўз навбатида “Милан” ушбу трансфер учун ўзининг колумбиялик форварди Карлос Баккани ҳам қўмоқчи.