"Milan" gollandiyalik futbolchiga qiziqish bildirmoqda

Italiyaning "Milan" klubi Moskvaning "Spartak" jamoasi yarim himoyachisi Kvinsi Promesga qiziqish bildirmoqda.

"Rossonerlar" vakillari 26 yoshli futbolchi bilan muzokaralar olib borishgan, biroq "qizil-oqlar" rahbariyatiga ushbu transferni amalga oshirish borasida taklif bilan chiqishmagan.

"Spartak" gollandiyalik futbolchini 25 million evroga baholagan. "Milan" Promesni sotib olish huquqi bilan bir yilga ijaraga olmoqchi. Bu haqida Italiya OAV xabar bermoqda.