"Милан" ҳимоячиси Бразилия клубига кўчиб ўтди (ФОТО)

Бразилиянинг "Палмейрас" клуби ўзининг расмий сайтида "Милан" ҳимоячиси Густаво Гомесни ўз сафига қўшиб олгани ҳақида эълон қилди.

Унга кўра Бразилия клуби 25 ёшли парагвайлик футболчини 2019 йил охирига қадар 1,5 млн еврога ижарага олган. Жамоалар ўртасидаги келишувга кўра агар Гомес ушбу муддат ичида 50 фоиз учрашувда майдонга тушса, “Палмейрас” 4,5 млн евро эвазига унинг трансферини тўлиқ сотиб олишга мажбур бўлади.

Маълумот учун, Гомес “Милан” сафида 2016 йилдан буён тўп суриб келаётган эди. У ўтган давр мобайнида “россонерилар” сафида жами 20та ўйиндма майдонга тушган.