"Milan" qishda "Chelsi" himoyachisini o‘z safiga qo‘shib olmoqchi, ammo...

"Milan" qishki transferlar davrida "Chelsi" himoyachisi Andreas Kristensenni o‘z tarkibiga qo‘shib olishni rejalashtirmoqda. Bu haqda Football Italia nashri xabar bermoqda.

Unga ko‘ra “rossonerilar” davralar oralig‘idagi transferlar paytida 22 yoshli daniyalik futbolchini sotib olishmoqchi, biroq, UEFAning moliyaviy feyr-pley qoidasi ularga bu yo‘lda to‘sqinlik qilishi mumkin. “Aristokratlar” Kristensenni 40 mln evroga baholashmoqda.

Qolaversa, Kristensenning o‘zi ham etarli o‘yin amaliyotiga ega bo‘la olmayotgani sabab “Chelsi”dan ketishga tayyor. U joriy mavsum bor yo‘g‘i 6ta o‘yinda maydonga tushdi holos.