Милинкович-Савич: МЮнинг менга қизиқаётгани ҳақида ўқидим, бироқ бу ҳеч нарсани англатмайди

Римнинг "Лацио" клуби хавбеки Сергей Милинкович-Савич ўзига нисбатан "Манчестер Юнайтед"дан бўлаётган қизиқишлар борасида гапириб ўтди.

Эслатиб ўтиш лозимки, МЮ бош мураббийи Жозе Моуриньо ушбу футболчини кузатиш учун куни кеча Сербия ва Черногория терма жамоалари учрашувига ташриф буюрган эди.

“Мен “Лацио” футболчиси ҳисобланаман, лекин шундай даражадаги мураббий мени кўриш учун келгани жудаям ёқимли. Гарчи у бугун фақатгина менинг ўйинимни кузатмаган бўлса ҳам. Мен унинг менга қизиқиш билдираётгани ҳақида ўқидим, бироқ бу ҳеч нарсани англатмайди”, - дейди сербиялик футболчи.