Миньоленинг агенти унинг "Ливерпул"дан кетишига шаъма қилди

“Ливерпуль” клуби дарвозабони Симон Миньоленинг агенти мерсисайдликлар сафига Алиссондек дарвозабон келиб қўшилгач мижозининг жамоадаги келажаги борасида гапириб ўтди.

“Шубҳасиз, дунёдаги энг қиммат дарвозабон захирада ўтирмайди. Шундай экан биз Симон доимий ўйин амалиётига эга бўлиши учун вариантлар қидиришимиз лозим. Бу борада бизда кўплаб таклифлар бор, яқин кунлар ичида қароримизни эълон қиламиз”, - дейди агент.

Эслатиб ўтамиз, “Ливерпуль” бундан бир неча кун аввал “Рома”дан бразилиялик дарвозабони Алиссонни 72 млн еврога сотиб олган эди.