"Монако" Кагавани ўз сафига қўшиб олмоқчи

Дортмунднинг "Боруссия" клуби хавбеки Шинжи Кагава фаолиятини "Монако"да давом эттириши мумкин.

Yahoo Sport тарқатган хабарга кўра монаколиклар 29 ёшли япониялик футболчининг хизматларига жиддий қизиқиш билдира бошлашган. Айтиш лозимки, унинг дортмундликлар билан амалдаги шартномаси 2020 йилга қадар имзоланган. Шу боис немис клуби уни тахминан 2-3 млн евро эвазига сотиб юборишга тайёр.

Маълумот учун, Кагава жорий мавсум “Боруссия” сафида Бундеслигада бор йўғи 2та ўйинда иштирок этди холос.