Мората "Атлетико"да тиббий кўрикдан ўтди

"Челси" ҳужумчиси Альваро Моратанинг "Атлетико"га кўчиб ўтиши деярли якунланди.

AS нашри тарқатган хабарга кўра 26 ёшли испаниялик футболчи бугун “матрасчилар” сафида тиббий кўрикдан муваффақиятли ўтган. Энди эртага томонлар ўртасида тузилган келишувга имзо чеклиши қолди.

Маълумотларга қараганда мадридликлар Моратани дастлаб 7,5 млн евро эвазига мавсум якунигача ижарага олишади. Ушбу муддат якунлангач эса уларда футболчини 40 млн евро эвазига тўлиқ сотиб олиш ҳуқуқи мавжуд бўлади.