Моуриньо Депайни яна МЮга қайтармоқчи

Англиянинг "Манчестер Юнайтед" клуби "Лион"да тўп сураётган собиқ вингери Мемфис Депайни ортга қайтаришни режалаштирмоқда. Бу ҳақда Transfermarketweb нашри хабар бермоқда.

Юқоридаги манбаага кўра манкуанликлар устози Жозе Моуриньо 24 ёшли голландиялик футболчини яна ўз жамоасида кўриш нияти борлигини билдирган. Аммо, МЮ раҳбарияти ушбу трансфернинг амалга ошишига шубҳа қилмоқда. Боиси,  унинг ҳозирги трансфер нархи жуда баланд, қолаверса Депай айнан португалиялик мутахассис билан тил топиша олмагач жамоани тарк этган.

Маълумот учун, Депай “Манчестер Юнайтед” сафида 2015-2017 йилларда тўп сурган ва шундан сўнг 16 млн евро эвазига “Лион”га кўчиб ўтган. У француз клуби сафида шу кунгача жами 86та ўйинда майдонга тушиб, ўз ҳисобига 33та гол ҳамда 31та голли узатма ёздириб қўйишга эришган.