Моуриньо ЖЧ-2018 финали ҳақида: Энг зўр жамоа ютқазди

“Манчестер Юнайтед” клуби бош мураббийи Жозе Моуриньо кеча бўлиб ўтган Франция ҳамда Хорватия (4:2) терма жамоалари ўртасидаги финал баҳсидан сўнг ўз фикрларини билдириб ўтди.

“Улар ажойиб турнирни ўтказишди ва бугун ғалаба қозонишди. Энди фақат Дешам шогирдларини ушбу ғалаба билан табриклаш қолди.

Хорватлар ҳозир жуда хафа. Чунки, энг зўр жамоа ютқазди. Менинг фикримча бунга ҳакамларнинг видеотакрорлар тизимидан фойдаланишда йўл қўйган қўпол хатоси сабаб бўлди. У ерда пенальти йўқ эди. Ҳакамлар ушбу тизимдан фақатгина фавқулодда ҳолатларда фойдаланишлари керак. Бундай вазиятларда эмас”, - дейди португалиялик мутахассис.

Эслатиб ўтамиз, кечаги баҳсни бошқариб борган аргентиналик ҳакам Нестор Питана баҳсли вазиятда пенальти белгилади ва якунду ушбу пенальти ўйин тақдирини ҳал қилди.