Моуриньо "яширин қуролини" ишга солади
"Манчестер Юнайтед" бош мурабийи Жозе Моуриньо доимо ўзининг кутилмаган қарорлари билан мухлису мутахассисларни ҳайратга солиб келади. Қайсар мутахассиснинг фикрлари тез-тез ўзгариб туришига ҳамма кўникиб қолишган.
Португалиялик мутахассис бўлажак ўйинларда Англия терма жамоаси ҳимоячиси Люк Шоуга имкон беришга тайёр эканини ва истеъдодли футболчи асосий таркибга лойиқ эканини исботлаши зарурлигини билдирди. Моуриньо бу футболчини ўтган йилнинг 29 октябридан буён ўйинга туширмаётган эди.
- Люк ўйинга ҳар томонлама тайёр бўлди, - деди Жозе Моуриньо. - Энди футболчи асосий таркибига муносиблигини кўрсатиши керак. Чунки менда бошқа вариантлар ҳам бор.
"Манчестер Юнайтед" бугун Англия лигаси кубоги ярим финали доирасида "Халл Сити"га қарши жавоб учрашувини ўтказади. Уч кундан кейин Англия кубогида "Уиган Атлетик" ва 1 февраль куни чемпионат доирасида яна "Халл Сити" қарши ўйнайди. Бу учрашувларда Люк Шоу ўзини кўрсатиб, яширин қурол вазифасини уддалаши ва жамоанинг ғалабасига улкан ҳисса қўшиши керак.
Фикрлар