Моуриньодан норози бўлаётган Марсьяль Испанияга кетади

 

 

"Манчестер Юнайтед" асосий таркибидаги ўрнини йўқотаётган франциялик Антони Марсьяль фаолиятини "Севилья"да давом эттириши мумкин. Гарчи инглизлар Марсьяль ижарага берилмаслигини таъкидлаган бўлса-да, испан клуби ўз фикрида қатъий турибди.

 

"Севилья" Антони Марсьяль ёрдамида жамоанинг ҳужум салоҳиятини оширмоқчи. Бироқ, "Манчестер Юнайтед" раҳбарияти яқиндагина "Вест Хэм"нинг ижара бўйича таклифини ҳам рад этганди.

 

20 ёшли футболчи эса уни майдонга кам тушираётган Жозе Моуриньодан норози бўлмоқда ва жамоани ўзгартиришга тайёр эканини таъкидлади. Унинг бу чиқиши туфайли бошқа жамоаларда франциялик ҳужумчини қўлга киритиш фикрини уйғотди.

 

Марсьяль Англия чемпионатида ўнта учрашувда қатнашиб, битта гол уришга муваффақ бўлган.