"Наполи" Италия терма жамоаси форвардини ўз сафига қўшиб олмоқчи

Италиянинг амалдаги вице-чемпиони ҳисобланган "Наполи" клуби "Торино" ҳужумчиси Андреа Белоттини ўз сафига қўшиб олишни режалаштирмоқда. Бу ҳақда Football Italia нашри хабар тарқатмоқда.

Унга кўра неаполликлар 24 ёшли италиялик футболчини жорий ёзги трансферлар чоғидаёқ харид қилишмоқчи ва бунинг учун туринликларга 50 млн евро таклиф қилишмоқчи. Айтиш лозимки, футболчининг шартномасида кўрсатилган товон пули 100 миллион еврони ташкил этади. Бироқ, томонлар бу борада 60 млн еврога ўзаро келишиб олишлари мумкин.

Эслатиб ўтамиз, Белотти 2016/17 йилги мавсум А Сериянинг энг яхши тўпурарига айланган эди. Бироқ, ўтган мавсум у 32та ўйинда майдонга тушиб бор йўғи 10та гол уришга эришган.