"Наполи" ҳужумчиси фаолиятини "Милан"да давом эттириши мумкин

"Наполи" клубининг испаниялик форвард Хосе Кальехон фаолиятини А Сериянинг бошқа бир жамоасида давом эттириши мумкин.

Football Italia тарқатган хабарга кўра 31 ёшли футболчи “Наполи”нинг янги устози Карло Анчелоттининг режаларига кирмайди. Италиялик мутахассис Кальехоннинг ўрнида Даниэле Вердининг хизматларидан фойдаланмоқчи.

Маълумотларга қараганда айни дамда Кальехонга "Милан" клуби асосий даъвогар сифатида эътироф этилмоқда. Бироқ, "россонерилар" ушбу трансферни амалга оширишдан аввал жамоадаги молиявий фэйр-плейни ҳал қилишлари лозим.

Маълумот учун, Кальехон ўтган мавсум “Наполи” сафида жами 50та учрашувда майдонга тушган ва ўз ҳисобига 12та гол ҳамда 17та голли узатма ёздириб қўйишга эришган.