"Napoli" prezidenti "Yuventus" haqida keskin gaplar aytdi

"Napoli" prezidenti Aurelio De Laurentis A Seriyadagi asosiy raqobatchisi hisoblangan "Yuventus" haqida provokatsion bayonot berdi.

U nega jamoasi chempionatdagi raqobatda “keksa sinora”ga imkoniyatni boy berayotgani haqidagi savolga quyidagicha javob berdi: “Agar banklardan 200 million qarzingiz bo‘lsa, g‘alaba qozonishdan ne ma’no”.

Ma’lumot uchun, “Napoli” ayni damda A Seriyada peshqadam “Yuventus”dan 13 ochkoga ortda qolmoqda.

Eslatib o‘tamiz, turinliklar yozda “Real”dan 117 mln evro evaziga Krishtianu Ronalduni sotib olishgan edi. Portugaliyalik futbolchining yillik maoshi 30 mln evroni tashkil etadi.