"Насаф" - "Бунёдкор" ўйинига кириш бепул этиб белгиланди

"Насаф" расмий тарқатган хабарга кўра, ушбу учрашувни томоша қилиш қилиш учун “Марказий”га кириш одатдагидан бошқачароқ бўлади.

"Ўзингизга маълум, айни кунларда стадион ёнидаги Қарши олимпия захиралар коллежида давлат тест синовлари бўлиб ўтмоқда. Тест синовлари ўтказилиши муносабати билан стадион жойлашган шоҳ кўчада транспорт ва фуқароларнинг ҳаракатланиши тўхтатилган.

Шу муносабат билан стадионга мухлисларнинг кириши фақат Навоий кўчаси томонидан, академик лицей ва Қарши шаҳар ички ишлар бўлими ўртасидаги кўчадан кирилади. Ўйин тугагандан сўнг ҳам чиқиш шу жойдан ташкил этилади. Юзага келган ноқулайликлар учун олдиндан узр сўраймиз", - дейилади хабарда.

Шунингдек, “Насаф” – “Бунёдкор” ўйинига кириш ҳамма учун бепул этиб белгиланди.