Нукусда кураш бўйича ўсмирлар ўртасида Ўзбекистон чемпионати бўлиб ўтди (фото)

 

 Қизиқарли ва муросасиз баҳсларда Қорақалпоғистон Республикаси, барча вилоятлар ва Тошкент шаҳридан 700 га яқин ёш спортчи ўзаро куч синашди. Беллашувлар ўсмирлар ўртасида 10 та, қизлар ўртасида 8 та вазн тоифасида ўтказилди.

 

Мусобақа якунида ўсмирлар ўртасида А.Абдушукуров, М.Шодиев, З.Мусурмонов, Б.Ботиров, Ш.Шарипов, А.Ортиқов, Ш.Баҳромов, Н.Муртазоев, Ф.Давлатов ва Ж.Маматраҳимов ўз вазн тоифасида 1-ўринни қўлга киритди. Қизлар ўртасидаги баҳсларда М.Қудратова, М.Ахматова, Ш.Аминова, М.Раззоқова, Ш.Бозорова, А.Қуванишбоева, З.Исоқова, У.Жуманиёзовага тенг келадигани топилмади.