Ўқ отиш. Ўзбекистонлик спортчи Жаҳон кубогида иштирок этмоқда

Германиянинг Зуль шаҳрида ёшлар ўртасида ўқ отиш бўйича Жаҳон кубоги ўтказилмоқда. Эътиборли томони, ушбу нуфузли мусобақада ўзбекистонлик иқтидорли спортчи, Ўзбекистон чемпионати ва кубоги ғолиби Зайнаб Пардабоева ҳам иштирок этмоқда.

Ҳамюртимиз пневматик милтиқда 10 метрли нишонга ўқ отиш бўйича ўтган ВП-6 машқида 621,4 натижани қайд этиб, ўзининг шахсий рекордини янгилади. Бу натижа аёллар ўртасида Ўзбекистон рекорди ҳисобланади. Шу вақтга қадар Ўзбекистон рекорди Лондон олимпиадаси иштирокчиси Сакина Мамедовага (620,6 натижа) тегишли эди.

Маълумот учун, аёллар ўртасидаги ВП-6 машқида спортчилар 1 соат 15 дақиқа ичида кетма кет 60 та ўқни нишонга отишлари лозим.

Фикрлар

Фикр қолдириш учун авторизациядан ўтинг!