Осиё кубогининг энг яхши футболчиси фаолиятини "Милан"да давом эттириши мумкин

"Ал-Духайл" клуби ва Қатар терма жамоаси форварди Алмоез Али "Милан"нинг қизиқишлар доирасига кириб қолди. Бу ҳақда Football Italia нашри хабар бермоқда.

Юқоридаги манбаага кўра “россонерилар” скаутлари 22 ёшли футболчини яқиндагина якунланган Осиё кубоги давомида кузатиб боришган ва Али уларда ижобий таассурот қолдирган.

Қайд этиш лозимки, Алмоез БААдаги мусобақада Қатар терма жамоаси билан ғолибликни қўлга киритди ва Осиё кубогининг энг яхши футболчиси деб топилди.

Бундан ташқари Али турнир давомида рақиблари дарвозасига жами 9та гол уриб, Осиё кубогининг энг яхши тўпурари бўлган эди.