Osiyo o‘yinlari. Vadim Menkov oltin medalni qo‘lga kiritdi!

Kanoeda eshkak eshish bo‘yicha erkaklar o‘rtasida 1000 metr masofaga o‘tkazilgan bahslarda hamyurtimiz Vadim Menkov marraga birinchi bo‘lib etib bordi va yakunda musobaqa g‘olibiga aylandi.

U tojikistonlik Shahriyor Daminovni 0,7 soniyaga ortda qoldirib oltin medalni qo‘lga kiritdi.

Bu Vadim uchun Osiyo o‘yinlaridagi to‘rtinchi oltin. Bungacha u Doxa, Guanchjou va Incheonda o‘tkazilgan Osiyo o‘yinlarida chempion bo‘lgan! U bunday natijaga erishgan birinchi o‘zbek sportchisi bo‘ldi.