O‘zbekiston terma jamoasi Tojikistonga qarshi ikkita o‘rtoqlik o‘yini o‘tkazadi

Futzal bo‘yicha O‘zbekiston terma jamoasi shu yilning 5–6 avgust kunlari Tojikiston termasiga qarshi ikkita o‘rtoqlik uchrashuvini o‘tkazadi. O‘rtoqlik o‘yinlari Tojikistonning Xo‘jand shahrida bo‘lib o‘tadi. Bu haqda UFA rasmiy sayti xabar bermoqda. 

Bahodir Ahmedov boshchiligidagi terma jamoamiz Xo‘jandga 4 avgustda yo‘l oladi.

Bo‘lajak o‘yinlar O‘zbekiston futzal termasi uchun Turkmaniston poytaxti Ashxobod shahrida yopiq inshootlarda bo‘lib o‘tadigan 2017 yilgi Osiyo o‘yinlariga tayyorgarlik vazifasini o‘taydi.

Ma’lumot uchun, Ashxoboddagi Osiyo o‘yinlari shu yilning 17–27 sentyabr kunlari o‘tkaziladi.