Ўзбекистон терма жамоаси дарвозабони "Навбаҳор" машғулотларига қўшилди (ФОТО)

Хабарингиз бор Наманганнинг “Навбаҳор” клуби айни кунларда Қримда илк хорижий йиғинини ўтказмоқда.

Бизга берилган маълумотларга қараганда “лочинлар” машғулотларига ўтган мавсумни “Қўқон-1912” клубида ўтказган дарвозабон Ўткир Юсупов ҳам келиб қўшилган. 28 ёшли Ўзбекистон миллий терма жамоаси аъзоси янги мавсумни “Навбаҳор” сафида бошлайди.

Маълумот учун, Ўткир Юсупов ўзининг профессионал фаолиятини 2012 йил Муборакнинг “Машъал” клубида бошлаган. Шундан сўнг у “Насаф” (2014, 2015), “Нефтчи” (2016, 2017) ва “Қўқон-1912” (2018) клубларида тўп сурди.