O‘zil APLning navbatdagi turida ham "Arsenal"ga yordam berolmaydi

Londonning "Arsenal" klubi yarim himoyachisi Mesut O‘zil hamon jarohatidan to‘liq forig‘ bo‘lgani yo‘q. Bu haqda London Evening Standard nashri xabar bermoqda.

Yuqoridagi manbaaga ko‘ra germaniyalik futbolchi APLning 16-turida “Xaddersfild”ga qarshi kechadigan o‘yinni ham o‘tkazib yuborishi mumkin. Uning belidagi og‘rig‘i haliyam bezovta qilmoqda. Hozir u yakka tartibda shug‘ullanmoqda.

Eslatib o‘tamiz, "Arsenal" - "Xaddersfild" uchrashuvi 8 dekabr kuni bo‘lib o‘tadi.