ПСЖ Неймарнинг трансфери учун 222 миллион евродан кўпроқ сарфлагани маълум бўлди

ПСЖ клуби ўзининг бразилиялик форварди учун “Барселона”га айтилганидан кўпроқ маблағ сарфлагани маълум бўлди.

Football Leaks тарқатган хабарга кўра 26 ёшли бразилиялик футболчининг трансфери парижликларга барча билганидек 222 млн еврога эмас, 252 млн еврога тушган. Шунингдек, ушбу маблағнинг 11 миллиони Неймарнинг отасига тўланган.

Маълумот учун, Неймар ПСЖ сафига 2017 йилнинг ёзида кўчиб ўтган эди. У ўтган давр мобайнида жами 45та ўйинда майдонга тушиб, ўз ҳисобига 41та гол ҳамда 26та голли узатма ёздириб қўйишга эришди.