ПСЖ етакчилари Франция Суперкубогида иштирок этмасликлари мумкин

ПСЖ клуби бош мураббийи Томас Тухель жамоанинг ЖЧ-2018да иштирок этган футболчилари эртага бўлиб ўтадиган Франция Суперкубогида иштирок эта олмасликлари мумкинлигини айтди.

“Футболчиларни эҳтиёт қилиш жуда ҳам муҳим. Тиаго Силва жамоа қароргоҳига биринчи бўлиб етиб келди. Футболчиларни ўйлаш менинг асосий вазифам. Бу борада мен жуда ҳам эҳтиёткор бўлишим керак.

Мен “Монако”га қарши қандай ўйнашни биламан, лекин ҳозир бу ҳақда сизларга айтмоқчи эмасман. Бу борада футболчилар билан гаплашаман”, - дейди германиялик мутахассис.

Эслатиб ўтамиз, “Монако” ва ПСЖ ўртасидаги баҳс эртага Хитойнинг Шэньчжэн шаҳрида бўлиб ўтади.