ПСЖ катта маош эвазига "Милан" сардорини ўз сафига қўшиб олишга уринмоқда

Франциянинг ПСЖ клуби "Милан" ҳимоячиси Леонардо Бонуччини сотиб олиш фикридан қайтмаяпти.

Football Italia тарқатган хабарга кўра парижликлар 31 ёшли италиялик футболчи учун йилига 10 млн евро маош таклиф қилишмоқда. Таққослаш учун, айни дамда  Бонуччининг “россонерилар” сафидаги йиллик маоши 7,5 млн еврони ташкил этади.

Ўз навбатида “Милан” етакчи ҳимоячиси учун 40 млн евро талаб қилишмоқда. Хабарларга қараганда Бонуччига ПСЖдан ташқари "Манчестер Сити", "Манчестер Юнайтед" ҳамда "Челси" каби АПЛ грандлари ҳам кураш олиб боришмоқда.