PSJ vingeri "Napoli"ga o‘tishi mumkin

Frantsiyaning PSJ klubi yarim himoyachisi Gonsalu Gedesh faoliyatini Italiya A Seriyasi grandi safida davom ettirishi mumkin.

Paris United nashri tarqatgan xabarga ko‘ra 21 yoshli portugaliyalik futbolchining agenti o‘z mijozining xizmatlarini “Napoli” klubiga taklif qilgan. Uning transferi esa taxminan 50 mln evroga baholanmoqda.

Eslatib o‘tamiz, Gedeshni shuningdek “Valensiya” ham sotib olishni ko‘zlamoqda. Ta’kidlash kerakki, u o‘tgan mavsumni aynan “ko‘rshapalaklar” safida ijara asosida o‘tkazgan edi.