Паоло Мальдини "Милан"га қайтади

Италиянинг “Милан” клуби афсоналаридан бири Паоло Мальдини яна “россонерилар” сафига қайтиши мумкин.

Sky Sport Italia нашри тарқатган хабарга кўра  50 ёшли мутахассис “Милан”да вице-президент лавозимида иш бошлайди ва клуб раҳбарияти бугун бу ҳақда расман эълон қилади. Таъкидлаш керакки, Мальдини аслида спорт директори лавозимига тайинланиши лозим эди. Бироқ, айни дамда бу имконсиз. Чунки, ушбу лавозимни эгаллаш учун Мальдини махсус ўқув курсларини тамомлаши керак.

Маълумот учун, Мальдини ўзининг футболчилик фаолияти “Милан”га бағишлаган. У 1984 – 2009 йилларда “россонерилар” шарафини ҳимоя қилган ва 900дан ортиқ учрашувда иштирок этган.