Parkentda belbog‘li kurash bo‘yicha an’anaviy respublika ochiq turniri bo‘lib o‘tdi (foto)

 Erta tongdan tumandagi madaniyat va istirohat bog‘ida joylashgan kurash maydoni ishqibozlar bilan to‘ldi. Parkentliklar har yili 9 May - Xotira va qadrlash kunini kurash bayrami sifatida o‘tkazishi an’ana tusini olgan.

  Bu yil ham an’anaga sodiq qolindi. 220 nafar polvon 10 ta vazn toifasida maydonda bellashdilar. Garchi oftob tig‘i beayov qizdirgan esada, hech kim maydonni tark etmadi. Qorong‘i tushguncha barcha vazn toifasida g‘olib va sovrindorlar aniqlandi. Kurash bayrami tashkilotchilari g‘olib va sovrindorlarni diplom va qimmatbaho sovg‘alar bilan taqdirladi.

P.S. G‘olib va sovrindorlar haqidagi ma’lumotni keyingi chiqishlarimizda bayon etamiz.