Павар АПЛ грандининг жиддий қизиқишларига сабаб бўла бошлади

Германиянинг "Штутгарт" клуби ҳимоячиси Бенжамен Павар фаолиятини Англия премьер-лигасида давом эттириши мумкин.

Sky Sports тарқатган хабарга кўра Лондоннинг “Тоттенхэм” клуби 22 ёшли французга жиддий қизиқиш билдира бошлаган. Гап шундаки, “шпорлар” Паварни келажакда жамоанинг асосий ҳимоячиси ҳисобланган Тоби Алдервейрелдга муносиб ўринбосар бўлишига ишонишмоқда.

Эслатиб ўтамиз, айни дамда давом этаётган ЖЧ-2018 мусобақасида ёрқин ўйинлар кўрсатаётган Паварга кўплаб Европа грандлари қизиқиш билдиришмоқда.