"Пахтакор" - "Эйр Форс" учрашуви салкам 20 дақиқага тўхтатилди

“Пахтакор” ОЧЛ саралаш баҳслари доирасида Ироқнинг “Эйр Форс” жамоасини қабул қилмоқда. Биринчи бўлимнинг 21-дақиқага келиб майдоннинг сув тизимида муаммо юзага келди ва ҳакам ўйинни тўхтатиб туришга қарор қилди.

Бу ҳолатдан мухлислар ҳам зерика бошлашди ва ўз норозиликларини билдириб ўтди. Кейин футболчилар бу танаффусдан ўйин темпини туширмаслик учун чигалёзди машқларини бажариб олишди.

Шундан сўнг мураббийлар ўз шогирдларига кўрсатмалар ҳам бериб ўтишга улгуришди. Ироқликлар эса бироз исиниб ҳам олишди. Бу ҳолат салкам 20 дақиқа давом этди.

Эслатиб ўтамиз, клуб расмийлари ўйинга қадар бир неча марта майдон тайёр эканликларини таъкидлаб ўтган эди.