“Paxtakor” Serbiya klubi bilan durang o‘ynadi

Toshkentning “Paxtakor” jamoasi Turkiyadagi yig‘ini doirasida navbatdagi nazorat o‘yinini o‘tkazdi.

Serbiyaning “Radnichki” klubiga qarshi bahsda toshkentliklar 1:1 hisobida durang o‘ynashdi. Raqibning penaltidan goliga ikkinchi bo‘limda Ismatullaev aniq zarbasi bilan javob berdi

“Paxtakor”ning navbatdagi nazorat bahsi 13 fevral kuni Ukrainaning “Stal” jamoasiga qarshi o‘tkaziladi.

“Paxtakor” – “Radnichki” 1:1

“Paxtakor”: Ergashev, Alijonov, Oraxovats, Tojiev, Avilov, Ismatullaev, O‘runov, Karimov, Nurullaev, Ibrohimov, Hakimov.

Zaxira: Hamroev, G‘anixonov, Asqarov, Yusupov, G.Ahmedov.