"Пахтакор" жамоаси мамлакат чемпионлигини қўлга киритди
2005 йилда таваллуд топган "Пахтакор" тарбияланувчилари Ўзбекистон чемпионлигини қўлга киритишди. Бу ҳақда клуб матбуот хизмати хабар бермоқда.
Ҳудудлар терма жамоалари ўртасида ўтказилган республика биринчилигида Тошкент шаҳри шарафини Бахтиёр Нуралиев бошчилигидаги "Пахтакор" тарбияланувчилари ҳимоя қилишди. Улар турнирда барча рақиблардан устун келган ҳолда ғолиб чиқишди.
Финалда Тошкент вилояти термасига қарши майдонга тушган ёш пахтакорчилар 3:0 ҳисобида муваффақият қозонишди ва бош соврин соҳибига айланишди.
Фикрлар