Пеллегрини эски шогирдини яна АПЛга қайтармоқчи

Франциялик ярим ҳимоячи Самир Насри яна Англия премьер-лигасига қайтиши мумкин.

Daily Mirror нашри тарқатган хабарга кўра Насрининг хизматларига "Вест Хэм" бош мураббийи Мануэль Пеллегрини жиддий қизиқиш билдира бошлади. Таъкидлаш керакки, Насри "Манчестер Сити"да айнан Пеллегрини қўл остида тўп сурган.

Эслатиб ўтамиз, Самир Насрининг сўнгги жамоаси "Антальяспор" бўлган эди. Бироқ, футболчининг қонида таъқиқланган моддалар аниқлангач, 18 ойга дисквалификация қилинган эди.