Перишич дунёнинг энг зўр футболчиларини санаб ўтди

Миланнинг "Интер" клуби хавбеки Иван Перишич дунёнинг энг яхши футболчиларини айтиб ўтди.

“Жарима зарбаларини ҳаммадан зўр "Тоттенхэм" футболчиси Кристиан Эриксен тепади. Майдонни эса "Манчестер Сити" аъзоси Кевин де Брюйне ҳаммадан яхшироқ кўради. "Тоттенхэм" ҳужумчиси Харри Кейн эса вазиятларни ҳаммадан кўра яхшироқ якунлайди.

Энг зўр дриблинг эса “Барселона” етакчиси Лионель Мессида. Бош билан эса “Реал” ҳимоячиси Серхио Рамос ҳамадан яхши ўйнайди.

Тўпни олиб қўйишда эса “Реал” аъзоси Каземирога тенг келадигани йўқ. Маҳорат бобида эса “Ювентус” ҳужумчиси Роналду ҳаммадан устун”, - дейди хорватиялик футболчи УЕФА расмий сайтига берган интервьюсида.