Почеттино "Реал"нинг таклифига қандай жавоб қайтарди?

Лондоннинг "Тоттенхэм" клуби бош мураббийи Маурисио Почеттино ўзига қизиқиш билдираётган "Реал" Мадриднинг таклифига жавоб берди.

The Sun нашри тарқатган хабарга кўра 46 ёшли аргентиналик мутахассис йилига 17 миллион евро маош таклиф қилган “қироллик клуби”нинг таклифини рад этган. У мавсум ўртасида “шпорлар”ни ташлаб кетишни истамаяпти.

Маълумот учун, Почеттино “Тоттенхэм”ни 2014 йилдан буён бошқариб келмоқда. Аммо, ҳозирча бирорта ҳам мусобақада ғолиб чиқа олгани йўқ.