Почеттино: "Тоттенхэм" чемпионлик учун асосий даъвогарлар қаторига кирмайди

Лондоннинг "Тоттенхэм" клуби бош мураббийи Маурисио Почеттино жамоасини АПЛ чемпионлиги учун даъвогарлар қаторида деб ҳисобламаслигини айтди.

“Ҳозир биз ажойиб ҳолатдамиз. Лекин соврин учун асосий даъвогар барибир “Ливерпуль” ва “Манчестер Сити” ҳисобланади. Биз айни дамда “Сити”дан бир очко олдиндамиз, аммо улар амалдаги чемпион эканликларини ҳам унутмаслик лозим. “Ливерпуль” эса ақлбоварқилмас даражада ўйин кўрсатмоқда. Биз эса ўз устимизда яна кўп изланишимиз керак.

Мавсумнинг эндигина ярми ортда қолди. Шу боис биз ушбу темпни бундан буён ҳам тушурмасликка ҳаракат қилишимиз лозим. Қолганини эса мавсум якунида муҳокама қиламиз”, - дейди аргентиналик мутахассис.

Эслатиб ўтамиз, “Тоттенхэм” келгуси учрашувни 29 декабрь куни ўз майдонида “Вулверхэмптон”га қарши ўтказади.