Погба: МЮ ичидаги ҳолат бўйича ҳеч нима айта олмайман, акс ҳолда мени жазолашлари мумкин

"Манчестер Юнайтед" клуби ярим ҳимоячиси Поль Погба жамоадаги муҳит ҳақида ўз фикрини билдирди.

- Жамоа сардори боғичи бу катта маъсулиятдир. Жамоани руҳлантириш ҳамда олдинга етаклаш мени қўлимдан келади.

Франция терма жамоаси сафида ҳар бир инсон, мураббийлар, маъмурият, футболчилар бир жамоа бўлиб иш юритдик. Бизнинг мақсадимиз бир эди - ғалаба қозониш. Шу мақсад ила ҳар биримиз меҳнат қилдик ва қандай натижага эришганимиздан хабарингиз бор.

Мен жаҳон чемпиониман, бироқ мен ўша-ўша Поль Погба. Албатта, бу ерда бошқа жамоада тўп тепяпман, аммо бор кучимни МЮга беришга тайёрман.

"Юнайтед"да сизни ҳамма нарса қониқтиряптими?

Биласизми, ҳамма нарсани ҳам айта олмайман, акс ҳолда мени жаримага тортишлари мумкин, - дея Погбанинг сўзларидан иқтибос келтиради Daily Mail нашри.